ክታብ - ሜራስ - አድጋማት ትግሬ ክምኩም - ድግም ባርህ ወጻልም

ድግም ባርህ ወጻልም

ባርህ ወጻልም ለልትበሀሎ ክልኦት እናስ ምስል ገበይ ጌሰው። ወምድር ክምሰል መሰ ዲቦም እት ሐቴ' አካን ትመየው።

ወጻልም እብ ልቡ ክእና ሐስበ፤ “አነ እት ለአካን- ሰኔት ምን እሰክ'ብ፡ ወባርህ እት ለጀፈር፡ ሐር ሐየት ምን መጽ'እ እሉ ነስ'እ ወአነ እድሕን።” ከጻልም ክምሰል ለእለ ገመ እት አካን-ሰኔ'ት ሰክበ። ወባርህ እት ጀፈር ገበይ ለተሌ' እንክር ሰክበ።

እት ሰክቦ፡ ሰር-ላሊ ክምሰል ገአ፡ ሐየት መጽአዮም። ከለሐየት እግል ጻልም ነስአ ወእሉ ቀትለ። ባርህ ላተ እብ ደሐኑ አጽብሐ።

ለአካን አስክ አዜ፡ ምስካብ ባርህ ወጻልም ትትበሀል ሀሌ'ት። ወምን ለምዕል ለሀ አዳ'ም እብ መሰል፤

“ባርህ ግበእ ወእት ገበይ ስከብ” ልብል።